返到公司，以為自己去左沙灘......
個個都著Tee or 小背心，短褲加拖鞋~~~~~

Caroline幫我同書店訂左本書，
聽日去Water Front順便睇下有未先~~~~~

做到十點零就出發，唔係Waterfront上船，
而係另一個較遠遊艇碼頭~~~~~~
睇見d啤酒陣容真係嚇親.........
至少有六箱.........全船得十幾人，飲唔飲得哂呀........

上船放好哂d野，就開船出發~~~~~~

比想象中無咁熱，有d人仲話凍添~~~~~~
海面都幾大浪，拋到Blonde有少少暈船浪.........

去到Camps Bay附近等左陣，天氣少少轉壞，
突然無哂太陽，於是轉地方，
去左Water Front附近停低~~~~~
但因為都仲幾凍，無人肯落水.......
有d失望，自己游就無癮啦........

教識Warren同Chad玩(捶大Dee)同潛烏龜.......
佢地竟然完全唔識Full House之類既擺法.......
甚至唔知葵扇、紅心、梅花、階磚既大細次序........
Chad唔識唔出奇，Warren都唔識就有d意外~~~~~~

四點零回程到碼頭，飲剩既啤酒仲有好多........

跟車返左公司一陣，撻左兩塊生牛扒呢兩日食，
之後Kirsten車完Caroline去火車站，
就車我同Déborah返屋企~~~~~

返到去先發現漏左支太陽油係船度.........用左三次就無左......

今晚10點零又聽到十多下爆炸聲........Kirsten話尋晚都聽到........
我已經聽左好幾晚，每次都好震撼，
但Déborah竟然話無聽過..........
今晚聽完仲隱約見到有地方冒煙..........真係好想知咩事..........

約左聽朝九點半去到Guest House會合Déborah & Aaron一家，
再去Water Front join埋其他人一齊去Robben Island~~~~~~
不過聽日肯定無乜太陽，不過唔落雨都算囉~~~~~~

今日明顯地熱左好多..........加上罕有地無風.......
出面有少少蒸爐感覺.........

工作唔太忙~~~~問左Adam機票問題，
佢問我可唔可以我用咭碌左先..........
咁咪又責多條數係香港.......我呢度又無咭，
claim到都要換美金，帶返去先找到.......
大前題係我返HK前就claim到既話............
最後send左email俾Arthur，詳細解釋我情況，
想呢度公司直接出錢買，睇佢點覆啦~~~~~

終於記得問學校書名同地址，
中午就覆到我，要同書店訂，仲要銀行過數......
聽朝先搞~~~~~~

臨收工前想搞埋個render先走，做到六點前，
Simon有急件mockup做，聽朝就要.........
捱義氣做埋佢啦，Caroline見到戥我唔抵.......
仲大大聲話六點仲有野要俾我做........
唔知Simon聽唔聽到........
好少事姐，呢種情況又唔多，相比香港，
日日係咁都唔出奇啦.........

七點半先返到屋企，好熱.......稍為郁下都爆水.......
hea到12點攤左落梳化抖，唔使一分鐘已經訓著.......
訓到五點前先醒，返上床訓過.........
話時話張梳化都ok好訓喎~~~~~~

一返到公司，位都未埋，Warren就話機票覆實左
即刻叫我拎機票出黎book位~~~~~
終於唔使留係杜拜十幾日啦，安樂哂~~~~~~
不過要係機場等轉機幾個鐘.......認真唔易捱.........

第二個問題出現，Arthur叫我同公司approval回程機票，
等左Adam成日都唔得閒.......
不過相比之前，呢個小問題黎姐~~~~

Facebook's State既騷動，
終於在Déborah既證言後告一段落..............

Déborah早走去搞個Visa，我收工上左樓上一陣，
等埋Aaron先一齊走~~~~
等緊佢Aaron時，問左Adam，佢話會係呢度買機票，
不過問我想幾時返，我想1月5日前返到Cape Town~~~~~
1月5日呢度開工，無謂又用大假啦~~~~
未傾完佢就有電話，明天先繼續~~~~~~

返埋聽日，後日就係遊船河囉~~~~~~

Charles一個留言，搞到我同阿邪頭都痕埋......
發起"危急應變小組".........好彩我今日比較得閒

Charles既冇有怕.........真係不敢恭維............
明知人地死穴都要踩入去........

下午不停跟進改期既事，今日都仲未有定案.......
問Arthur，叫我問Adam；問Adam，就話要同Arthur傾......
臨收工前Adam話要拖多一個禮拜先決定到.........
聽日dead line喎........再唔book就唔等我架啦........
Warren都話唔知佢地要考慮d乜............

行返去時，Déborah叫我聽日要直接同Adam傾.......
睇下聽日點先啦~~~~~~

尋晚手痕......轉左facebook個relationship state去nothing.....
起身開機已經有好幾個留言..........
真係唔知轉state去nothing都有通知........

做做下野，連係Dubai既Henry，都係Skype度都問我，
做乜轉state？係咪拍緊拖？係咪同Déborah？
我真係O哂咀......
最神奇我都無add佢facebook，佢都收到風......
九成Robert個死仔見到八俾佢聽.......最後我都add埋佢~~~~

lunch尾段入左boardroom開會........
開到三點先出返黎.........開會前都好精神...........

夜晚返到黎仲不停收到留言，最後連Déborah都問埋一份.......
一日最衰個死肥鍾，又係佢帶頭搞事~~~~~~
轉去nothing姐，好多人都no show架啦........

今晚又凍返，愈夜愈大風~~~~~~

今日訓得耐少少，差唔多十點先醒........
hea到12點半，Déborah覆我去唔到，
咁我就一點出發，都係近近地去Camps Bay曬多日啦~~~~~

去到見到好多人玩緊滑水，靠個小型降傘玩果隻
仲可以跳到好高，之後慢慢咁降返落黎~~~~~

影完相先搵地方曬~~~~~~
訓低先覺今日都係好大風沙............
又吹到眼耳口鼻都入哂沙...........
係趴係度先無咁辛苦~~~~
最後又係曬得個背比較黑.......
而且都係黑得果dd咁多多........

五點前搭車走，由火車站行返去屋企時，
經過兩個地方都拍緊野，相隔幾條街，
唔知係咪同一套作品~~~~~~~~

返到黎upload幾張相上facebook，
見到Charles up左兩張飯記既相.......
我都無呢兩張，其實諗返以前飯記既相，
真係唔算多，而且多數都唔係digital.......

不過睇清楚兩張相，點解日子係02年7月1日既？
紅日應該無開架？無乜印象添.........

九點幾就曬醒左.......一點前出門口
出門口前Déborah托我係公司拎部計算機俾佢做功課

返到去睇左無耐就恰眼訓，抖左半個零鐘再繼續~~~~
今日先發現跟書隻碟，d model完全開唔到.............
六點走時搵Aaron但搵唔到，Déborah又未返到屋企，
仲諗住過去擺低部機俾Aaron，唯有返上屋企先.........

七點半Déborah返到黎，我落去搵佢，
佢問食唔食埋飯，但係就要帶d野落黎食.......
咁不如上我度食啦.........等佢做多陣功課先上去
期間睇左唔少公司內部資料...........

上去整沙律同公仔麵食，差唔多食完Aaron都上埋黎~~~~~
Déborah問我聽日點，佢至少下晝先得閒.........
上晝要做埋功課先，咁我話聽日中午先搵佢睇下點啦
佢地hea到十點幾先閃~~~~~~

聽日佢唔去我都出去打個轉啦，唔多想屈係屋度~~~~~~~~

星期五杜拜無乜人返工，所以唔多野做

原本今日遊船河，再改去下星期五........
即係下星期五遊船河，星期六就去Robben Island，
連玩兩日~~~~~~~

俾個橋躉model玩左成日，真係一個好好既機會練習.....
今日又學到唔少野~~~~~~~

收工前勁眼訓........準時收工走人

聽日應該會返公司自修，Déborah問我星期日有咩做？
如果有地方可以陪我去，但我自己都未定..........
聽日先話佢知啦~~~~~

有d野事在必行，貴就係貴左d.........
但係時日無多，要好好珍惜餘下日子~~~~~~
要用最短時間law到最多既野.........

經過一晚狂風吹襲後，又有一場風雨等緊我......
最唔希望見到既情況終於發生~~~~

Warren返到黎，無耐就約我同Chad食lunch，話有野傾，
我已經覺得好奇怪.........
無耐仲收到Adam既email，話Warren就會離開一段時間..........
去focus新既工作...........

Lunch去左Asian Kitchen食，佢同我地講清楚咩一回事，
唔係轉工，而係開新公司，而做到12月尾就會走.........
交待好我地要注意d咩，學好d咩........
有咩要問就好問，佢走左就唔會再答任何公司既問題..........
咁Adam所講既一段時間，應該只係留有餘地既說法~~~~
如順利既，Warren根本無打算會再返黎.............嗯

Warren叫我無必要去Dubai，佢聽日會幫我試下改機票，
佢話有熟人，可能幫到我.............係就最好啦.........
仲話真係唔想咪考慮聖誕唔返香港囉，到農曆新年先返.........
果一刻我真係有衝動想留低過聖誕...........
之前我都諗過呢個情況，我都想農曆新年先返香港，
不過聖誕咁多日假期........唔用黎返香港又好o徒..........
農曆新年要用自己大假黎放，到時我都無咁多日假啦.........
之前去完旅行都只剩返一日，儲到一月尾都唔會多好多日.......
出左去食飯，差唔多兩個鐘後先返公司~~~~~~

收工同Déborah走時，問佢Warren既事，
點知佢以為Adam係度講笑，或以為Warren只係放大假之類.........
佢仲講出年公司會唔同哂..........
唔止Déborah同Warren離開，仲有Kirsten都係做到12月尾......

幫Déborah拎衫返屋企，係佢度傾左陣.........
Déborah問我有無諗跟埋Warren走.......我當然唔會諗啦
雖然Warren身上好多學，但基於我立場問題，
再加上佢新公司，點會一開始就請人，慳得就慳架啦~~~~~
第時佢真係搵我先算啦..........
不過我可能會提議下Warren會唔會考慮做一排consultant，
因為我地好難一下子上到手~~~~~~
咁多年既工作，除左Adam，佢就最清楚不過~~~~
傾到六點零就返上樓~~~~~~~~

工作方面，我唔算太擔心，因為始終都有辦法解決，
只係我覺得，以後無乜機會再係佢身上學到其他野~~~~~
而且係公司，我同佢都算係最熟既一個.........唉

感覺日子愈黎愈難捱.........唯有靠自己再努力D啦..........

一起身橫風橫雨.......返工時遮都爭d吹爛........

一個誤會，白忙左一個上晝..........
不過錯不在我，我都係聽Warren指示去做.......

三點幾Warren先返黎，跟一跟我地d野，
坐唔到半個鐘又走..........

教識Caroline玩十五、廿十.........
話要係遊船河時一齊玩......
外國好似真係無枚呢家野~~~~~
可惜我淨係識得玩十五、廿十.........

放工等埋Aaron，五點半先一齊走
但佢行行下有事又走左去.......
Déborah話唔識Cut MP3 fade-in, fade-out，
於是我就同佢返左Guest House~~~~~
教識點Cut後，教埋少少photoshop技巧，
之後傾左陣計，同我講Aaron想正式入Tractor做文職，
已經遞左resume俾Murry，應該等埋Adam返黎就有決定
以Arron既資歷，除左唔識用電腦外，應該都ok既
希望我下年返黎時，Arron就正式做左我同事啦~~~~~~

七點半先返到屋企，同Bonnie傾計，
傾到九點佢竟然恰著........發緊燒又唔願訓........

成晚久不久就嚇一嚇........太大風啦.........
相比上次，有過之而無不及...........
訓覺唔閂窗又驚落大雨，閂窗又驚吹爆玻璃.........點好呢？