最近唔知做咩，首先牙肉痛，之後耳痛，到依家頭痛..........
應該係頭皮痛，掂下都痛，洗頭個陣......有d活受罪既感覺.........
我諗我要睇下醫生，唔係唔知痛到幾時......
今日心情唔係咁好，其實最近都唔係咁好
今日一返到公司即刻收到風，shipping個主管向我部門投訴我，其實自己都知咩事，因為之前收少左貨，最後又話搵到，咁shipping個邊如果知道收少左貨就要向供應商反映，咁依家又話搵到，咁的確會做成一定影響。
但係如果佢投訴我收貨收得唔好，我覺得我可以改善，但係佢竟然話我唔跟程序去做，呢下先令我火，我有丫，次次都有，但係當時連倉主都話冇收過/見過呢隻貨個陣，咁我仲可以點??不過我都知自己係呢件事上面我真係錯左，應該點櫃既時候要更加小心，如果一開始我冇做錯就唔會有之後既問題出現。
其實本身已經知佢唔多like我，佢個朵係成個倉都已經臭晒，淨係識得用人唯親。所以佢平時都已經唔多受人歡迎，之前我半工讀見佢日子唔多，所以我一直相安無事，不過都俾佢鬧過幾次，最記得有一次打8號風球，我係落左風之後一個鐘已經返到公司，當時雖然返左去，但係其實大部份公司既人都仲未返到，所以公司仲未算有人開始做野，咁我負責點櫃既，當然更加冇野做啦~因為打風既關係，貨櫃場冇咁快會運作正常，就算即刻拎到櫃，隻櫃黎都要時間啦~咁係我等個陣就同shipping既其中一個同事一邊傾計一邊等櫃到，佢個陣一返到黎即刻鬧我，叫我唔好阻住佢d人做野，仲叫我行開d，去返自己個邊坐(其實我個位同shipping同事個位係隔離............)之後咪又鬧幾句，連平師傅都睇唔過眼，話依家冇櫃，你想佢點?佢先唔出聲咋。最勁有次我追櫃，佢都可以話我騷擾佢d人，呢下真係勁，咁我唔收櫃囉~仲要成日都想逼走d人咁，but唔關我事，我都係聽d人講，話shipping有好多人都係俾佢鬧or逼走。
而且佢個部門好怪，正常黎個，部門內部有問題應該唔會周圍同人講，盡量都唔想其他部門知，但係佢唔係，佢好鐘意將d問題小事化大，係都要搞到成個倉知先得，就好似阿晨咁，雖然又係唔關我事，不過我同阿晨都幾熟下，聽阿晨講，唔知佢同d人講咩，搞到依家d人唔會理阿晨囉~我覺得阿晨有時做野的確係求其左d，但係佢好少做錯野wo~最辛苦個d又係阿晨做，佢只係坐係度，點人做野，人地做得快又話人地唔認真做，做得慢又話人地冇心機做，成日搞到阿晨唔知可以點咁。成個倉d人都話佢，咁多野講自己出黎做丫~唉....算唔講佢咁多。
我個倉係宜家傢俬，位於上水，個個shipping主管叫JUDY，係一個肥婆。
我今日真係好憎佢丫~憎佢憎佢憎佢憎佢憎佢憎佢，憎佢x100
唉......同我所預期既有好大分別，有好多地方我覺得唔係咁合邏輯
例子1：有d場合，梁洛施可以用中文丫，點解要用英文呢?由其係同楊紫瓊講野個陣
例子2：楊紫瓊叫d以前死左既人復活，既然用英文??乜咁多年前死左既人係識英文架咩??
例子3：梁洛施同楊紫瓊活左2千幾年，點解講英文會講得好過普通話........佢地不嬲都住係中國國境內wo
例子4：個古墓未俾人發掘之前梁洛施係點樣出入古墓架?成大片沙漠，佢住係邊呀?有人住過既行跡，d考古既人冇可能唔發覺wo~
佛子5：李連杰係度玩緊個5行(5個波)個陣，個d唔係應該係能量球個類野咩，點解子彈都射得爆，仲要配埋爆玻璃聲添.........
仲之我覺得差過第1,2集...........
題外話，開始冇幾耐我已經聽到我右手邊傳來陣陣鼻鼾聲.....
今日我個班最後得我、毛毛、雄仔、Tammy、Lily、簡sir、XX珊，7個人去，仲有其他班既人，加埋都有2X個人去。
不過去到先知，我俾軒放飛機，好野~
雄仔俾吳sir呃左，吳sir同佢講強仔去，好野~
我都俾吳sir呃左，佢話有車去有車返，不過原來返黎架車係要自己俾錢，好野~
原來第3都有盃攞，仲要幾靚下添
之後就同吳sir、Miss羅、劉sir、中文miss影相，吳sir唔知係唔係因為見到我地有個盃攞，佢好開心，一聽到雄仔同毛毛講話隔離center有個女仔好靚，即刻話係唔係想識人呀﹖我依家帶你地去喇~都唔知究竟係佢想識定真係想幫雄仔.......
仲有，今日聽到Tammy問左句，我........唔知點講，佢竟然會問龍爺點解唔黎.....我啞左，我即刻叫毛毛打電話俾龍爺，但係佢竟然唔信.......，不過唔好話佢，我諗冇人會信.....
仲有，Lily竟然係條街到好大聲咁講話：「雄仔~我好掛住你呀~」
想點je~咩事呀﹖依家發生咩事，有冇人可以話我知，唔係雄仔唔好，但係我同毛毛都係隔離wo，有冇理過我地既感受先﹖
跟住我問Lily點解會黎，but佢冇答我，點知我咁問仲要俾中文miss，話我想差隻腳落黎呀﹖我當時好想講佢地既野......唔關我事架，我問下問題咋~原諒我，我知錯啦~
今日真係有d悶，不過原來真係攞完獎就有得走，不過都要我地足球隊夠人先得，唔係既話，都係要留低等個畢業禮完左先走得，因為要最後先有得攞返晒所有獎牌同獎盃。
