講明今晚好忙, 其實又點止煮左兩味試菜, 還有呢味都忙記up-load, 因為太多工作要入電腦啦...

工人話有青瓜, 而之前我都買定左包素雞及松子準備試菜, 所以就順便清倉啦 !

*我個雪櫃好似街市, 要乜配料就有乜, 剛好又有甘筍 ! *

我工人有時整埋d印尼食品我一向都好少食, 見上一次佢整呢個雞卷, 而佢又話我細仔好鐘意食, 我試左少少, 都ok啦, 見有網友話好好食, 不如自己就學下點整啦 !

今次變左我工人係導師, 我係學生, 連我個細仔一早都幫手去包, 但佢就一路包, 一路偷食放入口... 包完d雞光都重要去蒸...因為工人話包完蕉葉唔去蒸就無蕉葉味唔香架啦 !

我都有份包... 左2條啦 , 因為今早我要做酥皮豬肉卷, 佢唔等埋我就開工啦 ..............

 唔好問我個食譜住, 因為近日真係好忙,雖要時間去安排 !

 我會盡快將我個腦d記憶搬出來的 ! 哈 ! 哈 !

今日放假, 其實係由早忙到晚 .... 一早起身9點就開工整到一點, 整左3樣製作,一點趕住去做facial, 做到3點食左個午餐連下午茶, 又趕住去洗牙及補牙....5點幾返到屋企就忙住準備今晚兩味用橙來做的菜色, 食完飯都未休息到30分鐘,又趕住將d相入電腦up-load個blog, 如果唔係就重多野做.... 做到而家都成十點幾,

都未做完我要做d工作, 因為我又要上網去插集一些資料... 去做試菜 !

好攰呀 ! 

呢個咖哩豬肉卷都係以前學整麵包時學過, 但一路都沒有在家整, 點解 ?

因為工人唔食豬肉, 所以我多數整咖哩角一齊有得食 lor !

由於答應左大仔學校的老師在12月初的畢業典禮當天到學校幫下手製作食品及教下d學生做3款"鹹點", 而為左寫好個食譜及計算份量, 所以又要親自製作一次才出食譜.

所以, 雖然今天放假, 但由早上忙到晚上都未停過....重辛苦過返工 !

今天放假, 一早起身整左幾整野, 其中一樣就係再次試整 Puff !

因為之前試整過2-3次, 但係次次都係似蛋餅 ? 有時成功, 但又覺得表面都係唔夠脆 ? 所以今次參考網上食譜又再去試, 但都係覺得個蛋漿都係"稀"及表面都唔脆 ?而且一路焗時, 唔知係咪個爐溫不平均, 一半升高, 一半近爐門就升唔起 ?

所以我都係要請人來做一次現場表現啦 !!!!

上星期五放工遲走左少少, 返到屋企都成七點鐘, 又要趕住入去廚房看看當晚要煮乜野菜色.. 原來係魚香茄子, 今次記得加入少許老抽, 但又唔記得加入D豆瓣醬去增加香辣味..

而且, 茄子的份量工人預得太多, 原本想去炸一炸D茄子, 但太多又浪費時間及食太多油,所以最後都係放棄左.... 其實當晚心情都係唔開心的.................

因為放工時公司話要將我地部份人工 (津貼部份)暫時扣起唔發放, 即係變相減人工啦 !!!

不過都預左架啦, 唔炒人都算係感, 但另一壞消息就係今年農曆年暫時未有得出DOUBLE PAID 住呀 ... 有拖無欠 WOR !!

今堂係第三堂, 可以話係最豐富的一堂, 有千層牛油果蝦沙律 + 提子士干乾 + 菠蘿咖哩豬肉 ... 個個同學都食得好飽呀 !!

呢個係一個簡單的時菜, 加入少許炸菜和金菇一起炒, 更加惹味 !

之前在吉之島的promote counter 買左包鮮腐竹, 佢話每條獨立包裝及健康d...

就買左一包回來, 今晚順便拿來試菜, 點知d顏色都係在街市買那些白淨d !

此菜色係用左翠玉瓜去炒魚餅, 我好鐘意食魚餅的, 但唔明白仔仔都話怕有骨 ?