CC今天好忙好忙，要整好課室，又要整視藝室，又要整校務處門外的櫃，哈哈哈！沒有停過，現在仍在學校，不過都要走了，因為太攰了！兩個膊頭同條頸都唔郁得了！好慘呀！今天已開始昨病，好彩明天可以休息一天。

好忙呀！這幾天都好忙！忙到停唔到，回學校又做，回家又做！哈哈哈！不過今天有兩件開心嘅事，就係香港總會寄了信比KY，佢已經完成青年領袖証書E級課程，可以註冊成為青年領袖，恭喜晒，KY！佢好想繼續讀上去，我一定會支持佢嘅，HEHE！

第二件事係佢今天來接我放工，原本佢話唔嚟，不過最後也來了。因為CC做到成七點鐘，所以佢來接我，順便幫我買咗D茶包同比埋我，THX KY。之後，我地去M記食d嘢同一齊坐港鐵，我就回家，佢就去旺角開會，因為佢地就嚟要交功課了！

今日CC又再一次俾驚喜我.....

我一早返到紅磡, 準備過馬路時, 見到CC在對面, 佢又"瞞住"我偷偷過黎陪我食早餐 !

我見到CC不停兩頭望, 又不時望下個電話, 但就完全見唔到我在對面...激死 ! 我就慢慢行去佢面前, 佢嚇一跳.....之後我地就一齊食早餐 !

我下午入左元朗做嘢, 而CC就特登收工入黎元朗搵我, 傻瓜 !

CC, THANKS !

I 心 U

奧運比賽已完結了，國家隊今屆奧運共奪得51金21銀28銅，共100面獎牌。

奧運閉幕禮開始了喺鳥巢舉行，歷時小時，真係有D唔捨得。

程序如下：(1) 閉幕前程序 (2) 閉幕前文藝表演 (3) 典禮程序 (4) 運動員進場、馬拉松頒獎 (5) 進入倫敦奧運時期 (6) 聖火熄滅 (7) 文藝表演 (8) 煙花表演

嘩！有好大個嘅天鼓、有鼓車、有光速飛輪、有旋轉飛幹、有彈跳飛人！好似開Party咁，好開心呀！不過CC就覺得英國的八分鐘表演好悶，而球星碧咸的一球，有少少令CC失望。

(圖片來源：Yahoo)

CC今天沒有外出，早午晚三餐也自己整，而KY就忙了一日，又企到腳軟，勁攰！勁辛苦！

今日我唔駛返公司....不過就要去灣仔, 因為公司有份參展(第8屆家居潮流及設計博覽 2008),我要去幫手.....初初唔係好多人, 但一到下午, D人就勁多, 可能同期有婚紗展之關係, 今日生意都OK, 主要係賣SAMSUNG之電子鎖, 個個對D鎖好有興趣, 玩多過乜.......

今日同場加映 : CC探KY記, 有CC到場支持, 成個人當堂精神佰倍....CC, 多謝您 !

到現在仍然係九號風球，個風真係好勁，除了CC覺得暈，CC間房冷氣機下仲漏水，好彩有阿爸幫手，而家情況已有改善，希望今晚唔好再落得咁勁，唔好水浸，因為CC唔識游水。

而Irene同兩個表弟明天就要回美國了，佢地話在酒店好悶，所以就來了我家食飯同打麻雀，兩個表弟都玩得好開心！

之後，May媽同CC就整咗花生湯丸佢地食，佢地都一齊講：「好味！」

明天他們要走了，希望班機唔好遲太耐啦，好唔捨得佢地呀！臨走前，Jeffrey當然有錫錫我呢個表姐啦！！