2008-8-14沙田奧運馬術賽

當值日係個人盛妝舞步賽，個人來講真係唔識欣賞！

各國國旗！

見到呢隻野真係幾嚇人！

排哂長龍都係為左同佢影相！

Movement 15即係咩﹖

canteen食的$30燒豬仔骨飯，雖然平，不過真係唔好味。

好唔好睇﹖睇下甘多貴價飛都吉左出來就知道啦！

準備場地影的！

看台好高呀！小心d呀！

外國團體好有氣氛呢！

飲料小食都唔係貴！

佈置都幾好！

影下聖火先！

啦啦隊！

我的制服，都唔錯呢！

凌晨2時33分，坐緊穿梭巴士回沙田途中！

EXP noodle pizza experience~不過不失

某日放後學，我地一行數人，去左又一城溜冰場側邊的EXP食飯！

帶子三文魚菠菜意大利粉，味道唔錯，不過賣相差少少

雜錦拼盤，咩都有D，抵食推介

海鮮濛粉卷~幾特別的小食，清新之選

鰻魚PIZZA~我的至愛鰻魚，雖然唔係好多件，不過真的十分惹味！

越南雜錦湯米線~不過不失

加埋火龍果及菠蘿特飲~完成一個完滿的晚上

廣州深圳歷險之旅！

上星期四，同了cathy去了廣州探親！我地係深圳坐火車上廣州，火車都好快，55分鐘左右就到了，198km！最快我見到超過200km呢！

探完親後，我地去食飯，之後我買左罐王老吉，中國名牌，正呀！

始終一過左羅湖橋，我就開始驚，個個人的眼睛都好似叮住你的手袋甘，再加上回程我地2條友膽粗粗坐巴士，全程比後邊的男人叮住，好驚呀！！加上我地唔熟路，去到廣州東火車站時，上左去平台，即刻有人跟住我地，好彩我地一直走、一直走，佢先冇跟來！

大陸呀大陸，點解你治安會甘差呢﹖

LEGO奧運地標！

早前經過新世紀廣場見到有個lego show，有哂LEGO奧運地標！不過要買滿$500才可以"入場"睇，結果我地只好由遠處睇！

藝術氣息

係銅鑼灣時代廣場突然間的藝術氣息，阿苗真係唔識欣賞了，哈哈！

罷工~員工對公司．社會之不滿

近日接二連三有大集團的員工罷工，之前有維他奶，接著有屈臣氏，今日就有雀巢，連串的罷工及示威，反影了員工對公司的不滿，佢地好多都係反映工時長，人工低，唔重視與員工的溝通，漠視員工的利益、訴求，要求加低薪、佣金，亦反映了依家通脹嚴重，市民生活壓力好大，加上有之前2大集團的成功先例，估計係短期內，會繼續有大企業的員工出來罷工，與資方討價還價，之前員工們為左份工而不敢出聲，但團結就是力量，員工們要團結，唔好比人挑撥，繼續努力！

酷熱天氣的影響

今日星期的天氣真係非常之熱，搞到成個人都好煩躁，冇咩心機做野，熱到點﹖我直情熱到我的臉甩皮！勁搞笑，初初我都唔相信，我以為只係蚊蟲咬，因為第一日只係痕痕地，但第2日開始皮皮猛猛緊，第3日開始紅、痛，大獲！原來唔使去沙灘玩水都可以曬傷！第4日開始出現甩皮！救命呀！我呢d靠面口搵食的人，真係好大影響！好彩^@@^比左支防曬我，情況先改善！

30-40度烈日當空下去見客，呢d真係辛苦錢，但我唔會埋怨，我願意接受，我會努力！

藍藍的天

我好鐘意藍藍的天空，因為影相的話會好靚！呢幾日的天氣真係好好！

百物騰貴

某日係大快活叫了個2餸飯加汽水，要成33蚊，真係超貴，近一年加了1x-2x%，真係食野愈來愈貴，但其實好可能係d供應商屯積居奇，有貨都唔放貨，推高市價，加上香港的超市2大集團完全控制，政府之無能，搞到比d大商家控制哂！真係好希望家樂福、Wallmart快d來香港，打殘2大集團啦！

台灣蝴蝶~唔出名的質素料理！

星期六晚上，見完客人之後去了左敦吳松街139號的台灣蝴蝶食晚餐

我地3個人叫左個2人餐，之後叫多了個set

下午茶時間餐廳提供30分鐘無線上網！

涼拌小黃瓜，幾爽口！

獨立叫的滷水拼盤！好豐富呀！

糖醋雞扒超正，加埋新竹米粉，好味道！

叫了成台都係，3個人食岩岩好！

餐送的雷沙湯丸，好味！